Netkashlin

Preparatning savdo nomi: NETKASHLIN
Dozalash shakli: Sirop

Chiqarish shakli:
Tabiiy o‘simliklar ekstraktidan tarkib topgan, o‘ziga xos hidga ega, jigarrang tusdagi (biroz cho‘kma va xira ko‘rinish bo‘lishi mumkin), suyuq qiyom bo‘lib, 200 ml hajmdagi asl flakonlarda qadoqlangan: (1) – karton o‘ramlar,(2) – me’yorlash qoshig‘i – dozator, (3) – qo‘llash bo‘yicha yo‘riqnoma.

PREPARAT TARKIBI
Faol moddalar: ko‘p shilliq moddalar, Kraxmal, betain, karotin, fitosterin va letsitin, organik kislotalar, yod va mineral tuzlar.
Vitaminlar (C, B1, B2, B3, B5, B6, B9-foliy kislotasi va E). Provitamin A, Makro va mikroelementlar: Kalsiy, temir, magniy, fosfor, kaliy, natriy, sink, mis va marganets.
Tabiiy ekstraktlar: Gulhayri ildizi ekstrakti; Tog’ rayhoni o‘ti ekstrakti; Devpechak o‘ti ekstrakti.

FARMAKOLOGIK TA’SIRI
"NETKASHLIN" preparati balg‘am qiyin ko‘chadigan, yo‘tal bilan kechadigan o‘tkir va surunkali yallig‘lanish kasalliklarida qo‘llaniladi:
– traxeitda;
– bronxitda;
– pnevmoniyada;
– bronxoektatik kasalliklarda;
– o‘pka emfizemasida (kattalarda va 1 yoshdan boshlab bolalarda. Bunday holatlarda "NETKASHLIN" balg‘am ko‘chishini yaxshilaydi va yengillashtiradi).
Gulhayri ildizi - yallig‘lanishga qarshi samarali ta’siri bilan bir qatorda balg‘am ko‘chirish xususiyatiga ega.
Tog’ rayhon o‘ti – bronxial bezlar sekretsiyasini kuchaytiradi, balg‘amni bo‘shatishni tezlashtiradi. Tarkibidagi timol tufayli tonzillit, surunkali tonzillit, stomatit va yuqori nafas yo‘llari bilan bog‘liq boshqa muammolar uchun qo‘llaniladi.
Devpechak o‘ti - nafas yo‘llari uchun ajoyib vosita.

Foydalanish uchun ko‘rsatmalar
Bronxlardagi yuqori qovushqoqlikka ega bo‘lgan balg‘am, nafas yo‘llarining o‘tkir va surunkali kasalliklarini, balg‘am ko‘chirish bilan yo‘tal bilan bog‘liq kasalliklarni (traxeit, traxeobronxit, bronxit) davolashda qo‘llaniladi.

Qo‘llash usuli va miqdori
Preparat peroral shaklda (og‘iz orqali) qo‘llaniladi. Qiyomni suv bilan aralashtirmaslik kerak.
Davolanish muddati davolovchi shifokor tomonidan har bir bemorga yakka tartibda belgilanadi.
1 YOSHDAN 6 YOSHGACHA BO‘LGAN BOLALAR 2.5-5 ml. (1/2 choy qoshiq) dan kuniga 3 mahal 7 YOSHDAN 12 YOSHGACHA BO‘LGAN BOLALAR 5,0 ml (1 choy qoshiq) dan kuniga 4 mahal KATTALAR VA 12 YOSHDAN KATTA BOLALAR 10,0 ml (2 choy qoshiq) dan kuniga 3-4 mahal

Davolash kursi: Davolashning davomiyligi 7 kundan 10 kungacha.
Nojo‘ya ta’siri
Preparatning ba’zi tarkibiy qismlariga organizm ta’sirchanligi yuqori bo‘lgan holatlarda, allergik reaksiyalar ehtimoli mavjud. Qo‘llash mumkin bo‘lmagan holatlar: Preparatning ba’zi tarkibiy qismlariga yakka tarzdagi chidamsizlik.
Homiladorlik va laktatsiya davrida foydalanish
Homiladorlik va laktatsiya davrida preparatni qo‘llash bo‘yicha hech qanday izlanishlar olib borilmagan. Shifokor bilan maslahatlashing. Maxsus ko‘rsatmalar
Preparatni qabul qilishdan oldin, chayqating.
PREPARATNING ME’YORDAN ORTIQ QABUL QILINISHI
Preparatni me’yordan ortiq qabul qilinishi oqibatida paydo bo‘ladigan noxush holatlar haqida xabar qilinmagan.
Boshqa dorilar bilan o‘zaro ta’siri
Boshqa dori vositalari bilan qo‘llanilganda nojo‘ya ta’siri kuzatilmagan.
Saqlash shartlari
Preparat bolalar qo‘li yetmaydigan, yorug‘likdan himoyalangan joyda +2°C dan +25°C haroratda saqlanishi lozim.
Dorixonalarda berilish tartibi: Shifokor retseptisiz beriladi.
Saqlash muddati: 2 yil.
Ishlab chiqaruvchi: "MINOR ART INDUSTRY" MChJ. O‘zbekiston Respublikasi, Andijon viloyati, Andijon shahar, Sanoat ko‘cha 239 uy.