Laktolidin

TS27846305-002:2019
Preparatni qo‘llash bo‘yicha yo‘riqnoma
LACTOLIDIN
Preparatning savdo nomi: Lactolidin
Dozalash shakli: Sirop
Chiqarish shakli:
Tabiiy o‘simliklar va ekstraktlar birlashmasidan tayyorlangan quyuq jigarrang tusdagi sirop. 200 ml lik flakonlarda ishlab chiqariladi. O‘ziga xos xarakterli hidga ega. Har bir qutida bir flakon sirop, foydalanish uchun ko‘rsatma va o‘lchov qoshiqchasi joylashtirilgan.
Tarkibi 10 ml:
• Laktuloza - 0,045 g
• Simetikon - 0,08 g
Ta’siri: Preparat ichak yo‘llarining ta’sirini oshiradi, ichakning harakatlanishini rag‘batlantiradi va ichak devorchalari ish faoliyatini yaxshilaydi. Qabziyatni yo‘qotadi va ichak fiziologik ritmini qayta tiklaydi.
Laktuloza - prebiotik sifatida foydali bakteriyalarning o‘sishini kuchaytiradi, bifidobakteriyalar va laktobakteriyalar o‘sishiga yordam beradi va zararli patogen bakteriyalarning o‘sishini oldini oladi.
Simetikon - Ichak gazining pufakchalari sirt tarangligini o‘zgartiradi, ularning paydo bo‘lishini qiyinlashtiradi va ularni yo‘q qilishga yordam beradi. Ushbu jarayon davomida chiqarilgan gazlar ichak devorlari tomonidan so‘riladi yoki peristaltika bilan chiqariladi.
Foydalanish uchun ko‘rsatmalar
• Qabziyat
• Ich yumshatish
• Disbakterioz
• Jigar ensefalopatiyasi
• Meteorizm
• Oshqozon-ichak traktida kuchli gaz hosil bo‘lishi va gaz to‘planishi
Qo‘llash usuli va miqdori
Preparat ovqatdan oldin yoki ovqat vaqtida qabul qilish tavsiya etiladi. Oz miqdorda suyuqlik bilan aralashtirib qabul qilinishi mumkin.
3 yoshdan 6 yoshgacha bo‘lgan bolalar kuniga 2 marta 1,5-2,5 ml
6 yoshdan 12 yoshgacha bo‘lgan bolalar kuniga 5-10 ml dan 2 marta
Kattalar kuniga 2 marta 10-15 ml.
Davolash kursi
Davolashning davomiyligi 4-6 hafta. Foydalanish davomiyligi shifokor tomonidan alohida belgilanadi va kasallikning xarakteri va og‘irligiga va davolanishga bog‘liq.
Nojo‘ya ta’siri
Nojo‘ya ta’sir yuzaga kelsa, siropni iste’mol qilishni to‘xtating va shifokorga murojaat qiling.
Qo‘llash mumkin bo‘lmagan holatlar: Sirop komponentlariga yuqori sezuvchanlik.
Bolalarda foydalanish: Bolalarda siropni shifokor ko‘rsatmasiga asosan berish mumkin.
Homiladorlik va laktatsiya davrida foydalanish: Homiladorlik va laktatsiya davrida preparatni qo‘llash bo‘yicha hech qanday izlanishlar olib borilmagan. Shifokor bilan maslahatlashing.
Maxsus ko‘rsatmalar:
Preparat murakkab mexanizmlarni nazorat qilish qobiliyatiga ta’sir qilmaydi. Issiq joyda saqlamang va muzlashdan saqlang. Davolash paytida gazlangan ichimliklar tavsiya etilmaydi.
Saqlash shartlari: Preparat qorong‘i, quruq joyda, 5°C dan 25°C gacha bo‘lgan haroratda saqlanishi kerak.
Dorixonalarda berilish tartibi: Shifokor retseptisiz beriladi.
Saqlash muddati: 2 yil.
Ishlab chiqaruvchi: "MINOR ART INDUSTRY" MChJ. O‘zbekiston Respublikasi, Andijon shahri, Sanoat ko‘chasi 239-uy