Diqqat: firibgarlardan ehtiyot bo'ling!

Hurmatli mijozlar va hamkorlar!

Ijtimoiy tarmoqlar va messenjerlarda taniqli kompaniyalar nomidan soxta aksiya va yutuqli o'yinlar e'lon qilib, odamlarni aldash holatlari uchrab turibdi. Shu munosabat bilan rasman ma'lum qilamiz:

"Minor Art Industry Pharmaceutical" MCHJ hozirda hech qanday aksiya, chegirma tanlovi, yutuqli o'yin yoki sovg'a tarqatish o'tkazmayapti. Kompaniyamiz nomidan bunday taklif bilan murojaat qilinsa, bu firibgarlikdir.

Firibgarlar odatda quyidagi usullardan foydalanadi:

• qimmatbaho sovg'a yoki pul yutug'i va'da qilib, uni "rasmiylashtirish" yoki "yetkazib berish" uchun oldindan to'lov so'raydi;
• bank kartasi raqami, amal qilish muddati yoki SMS orqali kelgan kodni so'raydi;
• logotipimiz va nomimizdan foydalanib, soxta sahifa, kanal yoki sayt ochadi;
• "taklif bugun tugaydi" deb shoshiltiradi va o'ylab ko'rishga vaqt bermaydi.

O'zingizni himoya qiling:

• karta ma'lumotlari va SMS kodlarni hech kimga bermang;
• "yutuq" yoki "sovg'a" uchun hech qachon pul o'tkazmang;
• noma'lum havolalarni ochmang va shubhali fayllarni yuklab olmang;
• har qanday ma'lumotni faqat rasmiy kanallarimiz orqali tekshiring.

Rasmiy kanallarimiz:

• Sayt: minorart.uz
• Instagram: @minor_pharma
• Telegram: @minorartindustry_adminbot

Kompaniyamiz biror aksiya o'tkazadigan bo'lsa, bu haqda faqat shu rasmiy kanallar orqali e'lon qilinadi. Shubhali xabar yoki qo'ng'iroq olgan bo'lsangiz, firibgarlarga javob bermang va bu haqda bizga xabar bering. Agar pul yo'qotgan bo'lsangiz, zudlik bilan bankingizga va huquqni muhofaza qiluvchi organlarga murojaat qiling.

Ehtiyot bo'ling va bu ma'lumotni yaqinlaringizga ham yetkazing!

Hurmat bilan,
"Minor Art Industry Pharmaceutical" MCHJ jamoasi